السلام عليكم انا سيده متزوجه من سنه ومعي طفل عمره سنه
زوجي ارسلني لبيت اهلى للولاده وامتنع بعدها عن اخدي لشقتي وامتنع عن دفع مصاريف الولاده ومصاريف ابنه ومصاريفي حتى الان وسافر بره مصر للعمل وطلب مني الطلاق في مقابل اتنازل عن حقوقي حاولنا كتير ندخل ناس ودي للصلح ولكنه رافض تماماً لانه شخصيته ضعيفه امام امه وهيا المسيطره على كل شيء
دلوقتي انا رفعت عليه قضيه طلاق للضرر ونفقه ليا وللطفل وتبديد قايمه
وهو رد عليا بانذار طاعه ومنع سفر ليا ولابني
وحدد في انذار الطاعه شقه في محافظه تانيه غير اللي اتجوزت فيها في قريه والشقه في الواقع شقه ميراث من ابوه المتوفي ليه ولاخوته وامه
وعلماً بان الشقه غير مكتمله الفرش يعنيهيا استراحه ليهم مفيهاش غير انتريه قديم وسريرين فقط
هل تنفع الشقه دي للطاعه وهل ينفع الطاعه وهو مسافر بره مصر؟
ودلوقتي هو رد على دعوة تبديد القايمه بانذار تسليم منقولات من الشقه اللي اتجوزت فيه اللي هيا تمليك باسمه وفي نفس اليوم رفع انذار طاعه على مكان تاني فهل ينفع الكلام ده ؟
انا استلمت الانذار والمفروض اقدم اسباب الاعتراض
ارجو الرد في اسرع وقت وارجو من حضرتك توضحلي ايه الاسباب اللي يتاخد بيها في الاعتراض على الطاعه وشكراً لحضرتك