السلام عليكم ..

انا مقيم في القاهرة مركب تندة صاج في شفتي و جاري اللي فوقي قدم فيا شكوى والحي عاين وبعدها بشهرين جالي إنذار عن طريق البريد يفيد بإن لازم ازيل التندة في مدة اقصاها 3 أيام الا اتعرض للغرامة لمتناعي عن التنفيذ بقيمة 1% عن كل يوم وفقاً للمادة 107 من القانون 119 لسنة 2008

وكنت عايز استفسر

1- الانذار بتاريخ 6 سبتمبر وانا لسه مستلمه النهارده 16 سبتمبر والمدة المحددة 3 ايام يا ترى لو ازالت التندة تطبق عليا الغرامة ؟ ويا ترى في اي عقوبات اخرى غير الغرامة ؟
2- يعني ايه 1% من إجمالي قيمة الأعمال المخالفة يعني من قيمة الإزالة ام التندة نفسها ويا ترى لها حد أقصى ؟
3- يا ترى ليا الحق في عمل تندة صاج بارزة 60 سم في بلكونتي عشان جارى بيأذيني بالمياه على غسيلي ، وكل ما احتاجه هو التصريح ام اصلا التندة مخالفة تماماً وليس لها تصريح

علماً بإن الحي ممكن يكون بيترشي عشان كده مش رضي يعطيني تصريح ... فلو ليا حق ايه الخطوات اللي اعملها مع معاندة الحي ليا ؟!!
وعلماً بإن الشقة مش ملكي إنما أنا مستأجرها لمدة 59 سنة وبقالي الان 4 سنوات فيها ومواظب على دفع الإيجار



أسف على الإطالة وأرجو منكم معرفة افضل الخطوات اللي اواجه بيها المشكلة دي بالظبط