السلام عليكم ،،
أنا ذهبت للحي لعمل شكوى في جاري لاصلاح تسرب المياه على شقتي من عنده
وكنت عايز أثبت التلفيات اللي حدثت من تلك التسريب لكن المسئول عن المعاينة قالي مش هكتب زيادة عن الاتي ::

السيد مأمور القسم برجاء التكرم من سيادتكم استدعاء السيد مستأجر / مالك العقار .. رقم ...
والزامه بسرعة اصلاح ومعالجة التالف من وسائل الصرف الصحي و عزل الارضيات الخاصة طبقاً للاصول الفنية والهندسية وان تكون الاعمال تحت اشراف مهندس نقابي مسئول مع تحميله كافة المسئوليات المدنية و الجنائية من جراء عدم تنفيذ ذلك ومع عمل محضر رسمي بذلك للإفادة.

بشأن ذلك لدي عدة اسئلة :::

1- هل من حق المسئول عن المعاينة عدم ذكر التلفيات الموجودة ولو لأ مش من حقه، طب ايه العمل؟!!

2- من هو المهندس النقابي المسئول عن الاشراف كما ورد بالصيغة المكتوبة للشكوى .. يا ترى هو نفس اللي بيقوم بالمعاينة ؟ ام مهندس مهندس حقيقي بيفهم ومش بيترشي ؟

3- افتراضاً إن جاري ذهب للقسم وقالهم حاضر هصلح و قام دافع فلوس للمهندس النقابي وقالوا تم الإصلاح ، وهو لم يصلح أي شيء !! اعمل ايه حيث اني شاكك في ضمائر موظفي الحي ؟

4- هل توجد مدة محددة يعطيها القسم للاصلاح يعني ممكن يفضل يعطي له مدة شهر في التاني الخ لحين الإصلاح ؟

5- التلفيات اللي حصلت في الشقة من وقوع محارة و بهدلة الحيطان والبياض .. مش من المفترض يتحملها هو لو اه طب ازاي اعمل كده ويا ترى ينفع المطالبة بإصلاح التلفيات بعد اصلاحه عنده بمحضر اخر ام لا ؟

مع العلم إن ::عند رؤية حمام جاري يبان سيراميك وزي الفل ولكن المشكلة تحت السيراميك بلاوي ومكسور المسلح والبلك بينزل عليا من السقف !! ويومياً بتنزل نقاط مياه بكميات رهيبة !!

اسف على الاطالة .. بس أنا محتار جدا و مش عايز حقي يضيع وافضل اروح من نيابة لقسم لحي وشهور على الفاضي
فلو عندكم اي نصيحة لإغلاق أي ثغرة ممكن يستغلها موظف معدوم الضمير لضياع حقي ،، ياريت تقدموها ليا