كل أنواع القهوة بالتفصيل
أنواع القهوة وتكاتها
1- السرياقوسي :
القهوه السرياقوسي بتبقي عبارة عن 3 معالق سكر
لكل ملعقة بن
( 3 سكر : 1 بن ) ؛
مبدأيا معظم عشاقها بيبقوا غالبا من محدثين القهوة
اللي لسه متلطوش ف الحوار
أو من النوع اللي بيشربها كل فين و فين
قهوه تفضلها النساء في المجمل
و عموما السرياقوسي قهوة طرية لزوم الشاب الطري
ف بلاش تطول فيها كتير و إنتقل ع المرحله اللي بعدها
2 - الزيادة :
القهوة الزيادة بتبقي 2 ملعقة سكر لكل ملعقة بن
( 2 سكر : 1 بن )
دايماً بتكون هي المدخل
اللي بتتسحب فيه نحو عالم إدمان القهوة اللذيذ
ﻷنها قهوة سكرها الزيادة بيكسر طعم البن المر
اللي لسه ك مبتدئ متعودتش عليه
فيه ناس بتستمر في تناول القهوة الزيادة
كييفة الزيادة
بيبقوا ناس ف الأغلب بيهتموا بالمظهر علي عكس الجوهر
ناس مقضينها For Fun و يحبوا يعيشوا التجربه من السطح
بدون التطرق للأعماق
و بيقفشوا جداً لو القهوة جاتلهم ناقصه سكر
و دا يدل علي خوفهم من كل ما هو مظبوط أو مانو
3 - المانو :
القهوة المانو هي الوسط بين المظبوط و الزيادة
ملعقة و نصف سكر لكل ملعقة بن
( 1.5 سكر : 1 بن ) ..
المانو غالباً بيتم اللجوء لها في حالتين :
يا إما زهقت من الزيادة و عايز تنتقل للمظبوط
و بتتعود تدريجياً علي تقليل السكر
يا إما إنتا أصلاً كييف مظبوط
بس بتقعد علي قهوة شغال فيها صنايعي فاشل
و عمره ما عرف يظبط قهوتك ف بتضطر تطلبها مانو
ب نيه المظبوط
و التكتيك دا ناجح تماماً مع القهوجية الفشلة
المانو مرحلة إنتقالية مينفعش تقف عندها كتير
ﻷنها ملهاش توصيف دقيق في علم القهوة و الأمزجة !!!
4 - المظبوط : واحد علي واحد
( 1 سكر : 1 بن )
قهوة متكافئة تماماً
و السواد الأعظم من المدمنين بيلعبوا في ال Category دا
قهوتك المظبوطة تدل علي شخصيتك المتزنة العادلة
اللي مبتحبش حاجة تيجي علي حساب حاجة
إستمتاعك بطعم البن بكمية سكر متوازنة
بيخلق جو من السعادة المفرطة التي لا تنتهي
سوي مع أخر رشفة من الكوب
بإختصار
كييف القهوه المظبوط إنسان برنسسسسسس في نفسه
ﻷقصي در
5 - ع الريحه : مبدأيا
طالما وصلت للنقطة دي يبقي إنتا مدمن عشق إدمانه
و قررت تعلي ال Dose ﻷنك مبقتش تتكيف زي الأول !!!
( 0.5 سكر : 1 بن ) مع السكر اللي بينخفض تدريجياً
و طغيان طعم البن ف نحن أمام قهوة صنعت من أجل
ال Professionals Only
عشان مستحيل تلاقي مبتدأين بيشربوا القهوة ع الريحة
فيه قاعدة عامة ؛ كلما قلت نسبه السكر بالنسبه للبن ؛
زادت درجه جمدانك و برنستك
و مزاجك
6 - السادة : .............
تجربة مختلفة ومش لأي حد خالص
لو مش قدها متجربش .. الموضوع أكبر من تخيلك
تكملة الكوباية بدون ما بطنك تقلب و نفسك تقفل
معناها ولادة وحش جديد مبيخافش من أي حاجة
بطل لا تقهره الظروف
