انا بكالريوس هندسه دفعه السنه الحاليه 2011 يعنى ... والنتيجه كانت اتأخرت وبالتالى رحت لمكتب التجنيد وقلتله انه النتيجه متأخره وانا كده هتخلف دفعه ع علمى ان اخر معاد للتقديم 15 او 20 اغسطس تقريبا ... المهم قالى لا مفيش اى مشاكل وقت ما النتيجه تطلع تجيبلى الافاده وال6 جند وتجيلى علطول ومتمشيش فى اى اجراءات الا لما اقولك بعد ما تيجى باللى قلتلك عليه ... المهم النتيجه طلعت ولكن فيه روتين ممل جدااا وانا بطلع بيان النجاح واسحب ال6 جند من الكليه ... ابسط مثال انا النهارده فى الكليه واقف من 9 صباحا حتى 2 ظهرا ومعملتش اى حاجه مفيده بسبب ان مش عارف ايه ناقص فيه ايه ضايع روح دور ع اسمك فى دفتر مش عارف ايه وشغل الحكومه ده ... هل فعلا لو فاتنى تاريخ 20 ده هيبقى كده ساقط دفعه وهيتم معاملتى بسنه زياده ولا هياخدوا فى الاعتبار العطله دى؟؟؟ هل مثلا ممكن استنى فى البيت كام يوم لما الزحمه تخف شويه فى الكليه واروح اخلص ورقى ولا ساعتها هيكون العيب منى ؟
اسف للاطاله وشكرا
اسف للاطاله وشكرا
