السلام عليكم ورحمة الله وبركاته
شوربة الذرة الصينية بالدجاج
المقادير
ذرة حلوة بالكريمة
صوص الصويا المالحة
الطريقة
شوربة الذرة الصينية بالدجاج
المقادير
٤ أكواب مرقة دجاج
١/٢ ملعقة صغيرة زنجبيل بودرة .. ممكن نستخدم زنجبيل طازج مبشور
١ ملعقة كبيرة صوص الصويا المالح الخفيف
١/٢ صدر دجاجة مسلوق
١ علبة ذرة حلوة بالكريمة
رشة ملح
٢ بياض بيض
٢ ملعقة كبيرة نشا
بصل أخضر للتزيين
ملاحظة : أغلبكم عارفين ايه إللى بنحطه لمن نسلق الدجاج بس للاحتياط استخدم التالي
بصل – كزبرة ناشفة – فلفل اسود – هيل - قرفة – قرنفل
و على فكرة مكونات مرقة الدجاج هيا اللي حتفرق في نكهة الشوربة .. و ممكن كمان نستخدم مويا و ماجي بدل دا كله .. بس طبعا الطبيعي أطعم و أفيد
ذرة حلوة بالكريمةصوص الصويا المالحةالطريقة
- في قدر متوسط الحجم نسخن مرقة الدجاج و نضيفلها الزنجبيل و صوص الصويا
- نفصفص صدر الدجاج بيدنا و نحطة على المرق
- لمن يبدأ المرق يغلي نضيف الذرة و الملح و نسيبه ٣ دقايق عبال ما يسخن
- في طبق صغير نخلط النشا مع شويتين مياه باردة .. مقدار ملعقة كبيرة مياه تقريبا و نصبه عالشوربة
- ملاحظة : مهم انه النشا يذوب في ماء قبل اضافته عالشوربة .. لانه لو معملنهاش كدا و حطيناه على طول حيتكتل في الشوربة و يبقه في كور نشا .. و مفيش حد يحب كور النشا في شوربته
- نحرك الشوربة مزبوط عشان النشا يتوزع و نسيبها على نار هادية لمدة ٥ دقايق أولما تثقل
- آخر حاجه نضيف بياض البيض بشويش و بيدنا التانية نحرك الشوربة بسرعة
- تتقدم على طول و نزينها بالبصل الأخضر و بالعافية على قلوبكم