مساء الخير....تحية طيبة وبعد.....انا عندي بيت فيه شقة ايجار قديم ..متأجرة من سنة1971....توفي المستاجر الاصلي سنة1975...عاش فيها بعد كده مراته وعياله(تلات اولاد وبنت)وبعدين ماتت مراته سنة1992 وسافر كل العيال الي مصر بعد وفاة امهم مباشرة يعنى سنة1992 وبقي ف الشقة واحد بس من العيال قعد واتجوز فيها وعاش فيها وهو اللي كان بياخد مننا الوصل بس كنا بنكتبه باسم ورثة المرحوم المستاجر الاصلي وبعد 20سنة يعنى سنة2011 مات ابن المستاجر الاصلي ...وجينا نطلب الشقة من اخواته راحوا مرديوش يدوهلنا وقالوا ان الشقة هيقعدوا فيها بعد ما سابوها 20سنة وسافروا الي مصر ودلوقتى رجعت من مصر اختهم وهي اللي قعدت ف الشقة ....اتصرف ازاي انا دلوقتى وهل يحق ليها تقعد ف الشقة بعد موت اخوها ياريت حد يرد عليا بسرعة ويقلي اتصرف ازاي وانا كاتب كل تواريخ الوفاة لكل اللي ماتوا واجمعهم تانى الشقة اتاجرت سنة1971....المستاجر الاصلي مات 1975 ....مراة المستاجر الاصلي ماتت 1992 ...كل العيال سابوا الشقة سنة1992 ما عدا واحد بس اللي قعد فيها....ماتت الواد اللي كان قاعد ف الشقة سنة2011..رجعت اخته وقعدت فيها بعد الوفاة...اتصرف ازاي وايه الاجراءات القانونية؟وهل يحق برده ان مراه ابن المستاجر اللي مات حديثا انها تقعد فيها؟
X
بيت فيه شقة ايجار قديم ..متأجرة من سنة1971 وتوفي المستاجر الاصلي
مُسْتَشارُكَ القّانُونيْ
-
للاسف القانون في صفهم
وطبقا لاحكام محكمة النقض
فانه يمتد لخلف المقيم حاليا ولمرة واحده ..
ولكن ...
هناك فلتات تحدث .. من خلال اقناع القاضي بشتى الطرق ..
بأنه ليس من حقهم التواجد ..
وهناك من القضاه من يتحرى اي سبب لاخراج المستأجرين .. الابدييين .. من الشقة ..
وعليه املك بعد الله في قاضي متفهم ..
ثم
محام قادر على تحرير مذكرة قوية للغاية للحصول على الحكم في اول درجة ..
ثم ثان درجة ..
تحياتي
Comment -
ابتسم انت في مصر
ده للاسف الواقع .....
بس زي ما قلت لك نازع في الحصول على حقك ..
بعض القضاه يتعاطفون مع هذا الوضع
خاصة انه غير مطابق للشريعة الاسلامية
لاهدارة لحق الملكية التي تحميها الشريعة الاسلامية .. المصدر الرئيسي للتشريع
عندك امل في الدعوى
تحياتي
Originally posted by مينا اوذوشكرا لرد حضرتكم .....انا عاوز اعرف الي من يمتد عقد الايجار ومتى ينتهي الامتداد؟لان مراته لو فضلت قاعده هياخدها اولادهم بعدها ولو اخوات الواد يبقي كده انا مش خلصان لانهم دول 3 وحلنا عقبال مايمشوا وانا خايف ارفع قضية يروح القاضي يدي الشقة لمراته واخواته وانت عارف القضاء بتاعنا ...فله شمعة منورة ...تروح تطالب بالشقة ...يروح يحكم ان مراته واخواته ياخدوها وده اللي خايف منه
المقيمين معه في الشقة
يعني ممكن مراته أو ابنه
متى ينتهي
بموت آخرهم او تركه للعقار !!!
والمفترض انه يمتد لخلفهم مرة واحدة .. !!!
يعني ابن الابن
ما تستغربش وما تحرقش في دمك
هذا هو القانون يا عزيزي
ان شاء الله حيتغير قريب جدا
على الاقل حيترفع الايجار ليكون بشكل عادل
مش معقول يبقى الواحد فيهم عنده شقة بيأجرها ب 500 جنية واكتر
وقاعد هو في شقة ب 5 جنية !!!!
هناك خلل رهيب في الحقوق .. بسبب قانون الايجارات القديمة
وعلى فكرة
فيه ناس في الايجار الجديد بردوا لابده
ايجاره سنة وبيقعد 10 سنين !!!!
بسبب رغبة المؤجر في التوفير .. وبدل ما يجيب محامي يشرف على العقد ..
بيصطدم في حيطة .... والعقد بيتكتب غلط او فيه ثغرات !!
يستغلها المستأجر عشان يلبد في المكان
احنا في مصر
Originally posted by مينا اوذوحسبى الله ونعم الوكيل ف هذا القانون الظالم وهذه الدولة الظالمة دا عقد ايجار باسم واحد سنة70 توصل لحد ماياخده حفيده والعقد هو هو مابيتغيرش والايجار هوا هوا مابيتغيرش وانا لو عاوز اخد الشقة بعد ما المستاجر مات والمالك مات وابن المستاجر مات مش عارف اخد الشقة اوحتى اغير العقد...ده هو الظلم بعينه....دول اغنى منى يابه دا الواد اللي مات اقسم بالله عنده بيت ملك 3 ادوار كاتبه باسم مراته وبعد كده اجرهم ايجار جديد وفضل هو ف الشقة بتاعتى واخواته اللي جايين يجروا من القاهرة عندهم بدل البيت بيتين هناك.....لكن دول حسبي الله ونعم الوكيل فيهم
Originally posted by مينا اوذوف حته الايجار فيها من 600ج ل 750ج ف حته حلوة قوي ف المنياOriginally posted by سمير سيفلو سمحت يا استاذنا الفاضل / هانى عادل ,,, المستشار القانونى للمنتدى
حضرتك قلت ان فيه ايجارا جديده و المستاجر بيقعد 10 سنين او لابد
فارجو من حضرتك
اعطائى مثال على ثغره يستطيع منها المستاجر القانون الجديد ان يبقى فى العين لهذه المدد الطويله ؟؟
شكرا لسيادتكم
و ارجو الرد
عدم سرعة التقاضي سيدي الفاضل
وكل ما هنالك
ان يحضر معك محامي تثق فيه ..
ليعد العقد بشكل صحيح ..
ببنود لا تمنحة أي فرصة للماطلة
ولا توجد عقود نموذجية ..
لان كل حالة تختلف .. من حيث الايجار .. او المكان ..
او اذا كان المؤجر حيخلص مثلا تشطيب الشقة ..
وهكذا ...
وخاصة اذا طلع المستأجر بلطجي او رد سجون مثلا ...
بتبقى مشكلة كبيرة
تحياتي
Originally posted by sara fahmyيا مينا الشريعة الاسلامية بتحرم النوع ده من الايجار .... والمفروض ان القضاء يمشى طبقا للشريعة الاسلامية
لكن جمال عبد الناصر الاشتراكى الزبالة ضرب بشرع ربنا عرض الحيطة . عشان يكسب ود الناس والغى قانون الايجار المحرر فى عهد الملك فاروق واستبدله بالقانون الابدى الباطل .
ومفيش شرع فى الدنيا بيقول ان المال يبقى مالك والغريب يورثه ..
لكن هنقول ايييه . ربنا يكحمه مطرح ما راح عبد الناصر وكل الظلمة
ربنا ينزل لنا شرع من فوق سبع سموات عشان يحمى حقوقنا ويجى مخلوق ضعيف يضيع حقوقنا على مر السنيين
بص يا مينا فى واحد هنا فى اسكندرية ابنه كان مريض بالقلب ولازم يعمل لابنه جراحة وكان بيواجه نفس مشكلتك بس هو طلع جرئ راح كسر الباب ورمى كل العفش بتاع الساكن فى الشارع . وحصلت مشاكل وبسبب الظلم بكى قدام القاضى وبعدها بشهر اخد حكم باسترداد الشقة
Comment
بيت فيه شقة ايجار قديم ..متأجرة من سنة1971 وتوفي المستاجر الاصلي
Collapse
Trending
Collapse