همسة محب
واحدة قاعدة بتفطر مع جوزها
وبصت علي الشباك اللي بيطل ع الشارع
من ازاز شباك بيتهم لقت جارتها بتنشر غسيل
قالت لجوزها : بص الغسيل ده مش نضيف
الست دي مش بتعرف تغسل كويس
جوزها بص ع الشباك وسكت !!
وكل ما جارتهم تنشر غسيلها
تقول الزوجة دي لجوزها نفس الكلام
في يوم بصت علي الغسيل من إزاز شباك بيتهم
وقالت لجوزها :
سبحان الله .... الغسيل النهاردة نضيف وكويس
جوزها قاللها : كل الحكاية إن أنا صحيت النهاردة بدري
ونضفت زجاج الشباك بتاعنا من التراب اللي كان عليه
قبل ما تفكر تنتقد حد
إتأكد الأول إن المشكلة مش عندك أنت
وقبل ما تركز مع عيوب الناس ركز في عيوبك الأول وصلَّحها
وأول بأول نضف الشباك اللي بتبص منه علي اللي حواليك