1_كيمت /كمة :
معناها الارض السودا وبتشير لخصوبة أرض كمت
ودا كان اكتر إسم محبب لأجدادنا
2_دشرت :
معناها الأرض الحمراء
وبتشير لصحراء كمت اللي هي معظم الأراضي
3_تامري :
معناها الارض المفلوحة أو المزروعة
ودا لأن كيمت اصلا أرض زراعية
4_تاوي :
معناها الأرضين وبتشير لوجهين كمت
القبلي ( تا_شمعو ). والبحري ( تا_محو )
5_إيدبوي :
معناها الشاطئين أو الضفتين وبتشير لضفتين النيل
اللي كانت بترتكز عليهما الحياة
6_في التسمية اليونانية :
في القرن التاسع ق. م مصر كانت معروفة عند الاغريق
بإسم أيجوبتس
وأتذكر في ملحمة الإوديسا الشهيرة للشاعر هوميروس
ويقال إن اسم Egypt أشتقت من الإسم دا
وعن أصل الكلمة نفسها ف إحنا محتارين
هل هي يونانية الأصل
ولا محرفة عن كلمة مصرية قديمة ( آجبي )
اللي معناها الماء الأزلي
في التسمية الحالية :
ولكن خلونا نفكر منين جت كلمه مصر
الاسم دا عامل مشكلة لغوية مالهاش حل نهائي لحد الآن
فهو معناه لغويا الإقليم أو القطر الي بيفصل بين أرضين
• إسم مصر ذكر كتير في النصوص
الآشورية والبابلية والفارسية والكنعانية كمان
وطبعا كلنا عارفين إنها ذكرت في التوراه بمصرايم
وفي القرآن الكريم بمصر
• وفيه كمان علماء بتقول إن الأرجح
إن إسم مصر مشتق من كلمة مصرية قديمة وهي ( مجر )
اللي بتنطق مشر أو مصر ومعناها :
المحصن ، المحمي ، المكنون ، المسور
ودي كانت إشارة لحدود مصر الطبيعية اللي دايما
كانت بتحميها إلي حد كبير من الهجمات والغزو
ومن هنا نقدر نقول إن مصر معناها :
المحمية أو المكنونة وعرفناها إحنا بأنها أرض الكنانة
.