السلام عليكم ورحمة الله

من فضلك استشارة عاجلة

حدث أمر غريب مع اخى امس و هو مريب و اود الاستفسار عنه

اتصل رقم غريب بأخى و كان المتصل يعرف اسمه و مهنته و قال له ان فيه ناس شكروا لى فيك قوى و قالولى ان انت اللى هتخدمنى

فأخويا قال له خير

(اخى مهندس معمارى و اعتقد ان المتصل عايزه فى شغل)

فقال المتصل

احنا كنا شاريين حتة ارض فى الصحراء و لما حفرناها ربنا كرمنا فيها و لقينا فيها كنز من ايام الفراعنة و لما حاولنا نبيعه لواحد بتاع دهب رفض و اراد ان يشترى الذهب كله

و اكمل المتصل

و الناس دلونى عليك و قالولى انك ممكن تخدمنى فى حاجة زى دى



طبعا اخى فهم انه نصاب او بيعاكس فقال له

لا انا مااقدرش اخدمك الحقيقة

فقال المتصل

طيب على اى حال لو عرفت حد يقدر يخدمنى ابقى بلغنى و الله يخليك و حياة عيالك ماتقولش لحد

فقال اخى

طيب ان شاء الله لو عرفت حد هابقى اقول لك

و اغلق الهاتف



المشكلة

اخى يعمل مهندس و بالتالى له صلات بتجار و اصحاب اراضى فبعض الناس قالوا له انه مكن يكون حد مدبر لك مشكلة و انت بالرد ده عليه كانك بتعترف انك فعلا ممكن تخدمه

السؤال

هل لو المكالمة دى فعلا متسجلة ممكن تدين اخويا فى شىء

و لو ممكن طيب التصرف ايه دلوقتى ؟؟؟ نعمل ايه ؟؟

برجاء الرد سريعاً لاتخاذ الاجراءات اللازمة