ياجماعة انا عندي مشكلة في زواجي

اولا انا من مصر عشان الافادة

بس حاولو تسمعوني لللاخر

انا اتجوزت من سنتين والحمد لله ربنا كرمني بولد بس الحياة موش طايقها مع زوجتي

كل يوم خناق علي الفاضي والمليان دايما بتعلي صوتها عليا وانا بحاول اعدي عشان بس ابني

بس وصلت لمرحلة خلالالاص موش قادر ابص في وشها بعد مهزتني قدام امي

المشكلة دلوقت اني صليت استخارة ولقيت نفسي مرتاح اني اطلقها بالمعروف وعلي سرع الله عز وجل لاني لو استمريت ممكن يحصلي حاجة ولا يجيلي مرض

دلوقت بقي نيجي للمشاكل :

1-انا كاتب مؤخر 20000 جنيه (عشرين الف)

2-ماضي علي قايمة منقولات قيمتها 55000 جنيه (خمسة وخمسون الف )

3-عندي طفل صغير

4-الشقة اللي قاعدين فيها ايجار جديد



نيجي للاسئلة بقي

1-المؤخر ينفع يتسقط ولالا وهل ممكن مراتي تحبسني لو اتاخرت في الدفع

2-ايه نظام القايمة يعني ممكن تاخد المكتوب ولا لازم فلوس (تاخدهم والله بس تحل عني )

3-ايه نظام نفقة المتعة ومصاريف ابني بعد الطلاق وهينفع اشوفه ولا لا

4-ايه نظام نفقة المسكن والشقة اساسا ايجار جديد يعني موش بتاعتي



والله انا حتجنن وموش عارف اخد بالي من شغلي حيضيع مني الحقوني قبل كل حاجة متضيع مني



افيدوني وجزاكم الله كل خير