عمرى 34سنة اخزت شهادة من التجنيد تاجيل لمدة خمس سنوات لكونى الابن الاكبر والعائل لاسرتى بعد وفاة والدى وبعد فوات المدة لم ازهب لتحديد موقفى فامازا افعل للحصول على الشهادة النهائية من التجنيد
لو حضرتك تتبع للقاهرة هتذهب الى الهايكستب وتشترى ملف تخلف تجنيد من الشباك بـ 31.5 جنيه وتتبع الخط الأخضر اللى مرسوم الى الأرض وتذهب الى مكتب كبار السن شباك رقم 1 وسوف يكون بداخل هذا الدوسيه ورقة صفراء نموذج 7 جند حضرتك هتملأ الجزء الأول فقط ولازم حضرتك تكون عارف الرقم الثلاثى وهتاخد معاك الاتى :
1- نموذج 110 جند لمعرفة حالتك ولمعرفة الرقم الثلاثى أيضا .
2- بطاقة الرقم القومى .
3- شهادة ميلاد كمبيوتر .
4- فيش وتشبيه موجه للهايكستب . ( بس حضرتك هتحتاج الفيش فى أخر مرحلة ) يعنى هتحتاجه فقط لما يتحدد لك جلسة من الهايكستب .
وسوف يتم سؤالك عن سبب تخلفك وسيتحدد لك جلسة ودفع الغرامة .
الموضوع سهل جدا وان شاء الله هتخلص كل ورقك والمحاكمة فى خلال اسبوعين
