السلام عليكم

تحية طيبة و بعد

سيدى العزيز انا عندى استفسار حيجننى و عندى امل انى الاقى الاجابة و الماشورة من حضرتك.



فى البداية انا فى السنة التانية للكلية التجارة و ان شاء الله رايح سنه تالته



الموضوع انى عاوز اسافر ايطايا سياحة و مع شركات السياحة الموضوع الحمد لله تمام



المشكلة بقى هى فى اذن السفر... انا كنت حسافر فى صيف سنه تالتة ( الصيف الجاى)



بعض الناس قالولى انسى انك تأخد تصريح سفر فى صيف تالتة لانك كده داخل سنه رابعه



و السقوط مفتوح فممكن تروح و مترجعش ... و كده قالقنى جدااااااااا لانى فعلا مسافر سياحة و مفيش اى حاجة ممكن تقلقنى من الخدمة العسكرية لانى نظرى ضعيف جدا و ده معناه معفاه من الخدمة العسكرية.... و مش عارف اوضح ده ازاى ليهم لانى لسه وقت جيشى طبعا ( لان الكلية بتأجل)



فى حالين قدامى و طالب نصيحة حضرتك



الحل الاول :-



هوا انى اسافر فى وقت الدارسة ( مده السفر اسبوع ) لما ادخل سنه تالتة و بكده اكون ملتوم بالرجوع لانى مش فى الصيف و حكون لسه فى سنه دراسية اللى هى تالتة ( و دى على ما سمعت مفيهاش سقوط مفتوح ) راى حضرتك ايه ؟



الحل التانى و ده اللى خايف اعمله:-



هوا بما ان نظرى ضعيف جدا فا ممكن انى اروح اسلم نفسى فى الجيش فى نفس ميعاد التقدم و ادخل الكشف و احصل على معافاه من الخدمة و بكده اكون مش محتاج اذن سفر..



بس الناس قالولى انى عشان اعمل كده لازم اقول للكلية متعمليش تأجيل ( التأجيل كل سنه من الكلية اتومايكيا زى ما حضرتك عارف )



فا الكلية لو معملتش تأجيل ( بناء على طلبى) انا لازم اسلم نفسى فى الميعاد



و طبعا حضرتك عارف ان من غير اذن سفر مش ممكن اسافر



فا مش عارف اعمل ايه حاسس ان الموضوع صعب جدا



و انا طمعان فى ماشورة حضرتك....



اسف للاطالة و شكرا