السلام عليكم ورحمة الله وبركاته



انا مصري الجنسية موالد 87 و حصلت على الثانوية العامة من السعودية



تقدمت للكلية زيي زي أي طالب في مصر وتم قبولي في كلية تجارة جامعة القاهره

سنة 2004-2005



رسبت داخل الكلية سنة أولى مرة و3 مرات سنة ثانية وبذلك اكون قد حصلت على الفرصة الخارجية داخل الكلية ولم انجح فيها , فتم طردي منها



ذهبت للكلية وحصلت على جواب فصل وسحبت ملفي ( اللي بالتأكيد كان لا بد من سحبه ) وذهبت لمعهد خاص لأتقدم لهم



المعهد قال لي عمرك تعدى 22 سنة ولا بد تقدم نفسك للتجنيد وتجيب لنا موقفك من التجنيد



طبعاً ذهلت من الموقف, ذهبت لشؤون طلبة كلية تجارة وتحدثت مع مندوب التجنيد داخل الكلية قال لي هات ورقة 2جند و 6جند (7جند) وتقدم لأي معهد بدون مشكلة



بالفعل عملت الكلام ده ونفس المشكلة قال لي لازم موقفك من التجنيد وحتى لو دخلت مش مشكلة هتدرس معانا وتيجي وقت الإمتحان فقط



ذهبت أيضاً لمكتب الإتصال العسكري داخل مدينة الطلبة امام جامعة القاهره وتحدثت مع الموظف هناك واخبرني اني لازم اشوف موقفي من التجنيد



انا الحقيقة متشتت جداً الآن

لا اعرف احد هنا يفيدني في هذه النقطة

تحدثت مع تربويين ولم يفدني احد

كل من احدثه يخترح أحاديث وكلام غريب



انا مش عايز اقدم نفسي للتجنيد انا عايز ادرس واحصل على بكالريوس الأول وبعدها اقدم نفسي



ماذا افعل افيدوني بارك الله فيكم



وسامحوني على الإطالة