السلام عليكم ارجو ان يتسع صدركم لحكايتى وارجو منكم ان تفيدونى لانى مش لاقيه حل لمشكلتى دى استاذى الفاضل استاذ جمال(مستشارك القانونى) حكايتى وهى انى كنت متزوجه من انسان سلبى جدا وكانت بينى وبينه مشاكل عديده فطلبت منه الطلاق وكل حقوقى وهو لم يعطنى شئ وقال ان امامى المحاكم لكى يتم تطليقى او اتنازل عن كل حقوقى وسوف يطلقنى ولكن انا من عائله بسيطة وقايمتى دى اللى هتساعدنى لكى اتزوج زواج اخر فلجات للمكمه بعد ما ياست انه يطلقنى بالود وطالبته بالقايمه والنفقه وكان ايضا يوجد عندنا ايصال امانه كان اخده على بياض كضمان لادوات كهرباء تخصنى فاخدت ورفعت به قضيه ولكن والله وربنا شهيد على اليميم انه للضغط فقط لكى يخاف من قيمه الوصل ويطلقنى وكدبنا كمان على المحامى لقله خبرتنا وفيه ناس قالولنا ان منقولش للمحامى انه ضمان وفعلنا فعلا وقلنا للمحامى انه كان كتبه للمؤخر والمحامى رفع به قضيه وقام طليقى هذا بالطعن فيه والتزوير وعلى العلم ان والدتى كتبت اسمها فى الوصل لان ليس لنا اخوات شباب وليس لنا احد فاخذت حكم 3شهور وقام المحامى بتاعنا بعمل معارضه ورجعت راحت لخبير خطوط ورجع طليقى جاب شهود زور المهم اخدت امى 3 شهور حبس حكم نهائى وتم طلاقى بالفعل واخدت كل حقوقى قايمتى والنفقه لسه المؤخر ونفقه المتعه ولكن الحكم ده نعمل فيه ايه مع ان والدتى اجت امام القاضى واتصالحت ولكن محامى الخصم لم يوافق وعملنا جلسات مع رجال القريه انها تجلس مع طليقى من اجل ان يتازل عن الحكم فى مقابل ان اعطيه كل ما اخذته منه وهو 10 الاف جنيه ولكنه طلب قيمه الوصل وعاوز يحبسها مع العلم انها ست كبيرة ومريضه وعندها سكر وضغط وجلطه قديمه ودهون على الكبد مع العلم ايضا اننا لما ياسنا وامى تعبت وكانت هتروح من بين ايدينا دخلنا للقاضى علشان نستعطفه فى حجرته ولكنه لم يقبل منا اى كلام ودلوقتى المحامى قلنا انه هيقده نقد واشكال مرفق بشهاده طبيه بحالتها افيدنى بالله عليك ماذا افعل لكى انقذ امى لو امى دخلت الحبس ممكن تموت واحنا كلنا بنات من غيرها منقدرش نعمل شئ مع العلم ان الوصل ده والله هو ضغط بس لاخد طلاقى فى مده بسيطه بدلا من ان اقضى عمرى فى المحاكم والله على ما اقول شهيد بالله عليك يا استاذ جمال افيدنى اعمل ايه واخرج ازاى من المشكله دى واحنا لاول مرة بندخل محاكم وكون اننا حريم فميش خبرة فى القانون ولا المحامى افيدنى بالله عليك اغيثنى اغاثك الله منتظرة الرد وسامحنى على اطاله كلامى