بسم الله الرحمن الرحيم



السلام عليكم ورحمه الله وبركاته

كان ليا كام سؤال كده بخصوص الجيش ...



اولا :- انا والدى الله يرحمه متوفى من 4 سنين وكان طالع معاش قبل الوفاه بسنتين(( طلع معاش بعد ال 60 )) وليا اخين واخت وكلهم متجوزين ومعدين سن 30

الاخوه الذكور واحد دخل الجيش والتانى خد تاجيل 3 سنين وبعد كده 3 سنين زيهم وكمان معدين سن ال30 وكلهم متجوزين

واحد منهم مسافر بره مصر والتانى فى مصر

اللى فى مصر مش عايش معانا ولكن فى مكان تانى فى القاهره بعيد عننا

بس هما معدين ال30 وكمان مخلصين موضوع التجنيد ده بس محدش فيهم عمل القيد العائلى لان والدى الله يرحمه مكنش عدى ال60 سنه

هل انا بقى كده اعتبر العائل لوالدتى الارمله ((58 سنه ولا تعمل )) بما انى والدى متوفى وكان طالع معاش و معدى ال 60 سنه واخواتى مش عايشين معانا للاسباب اللى ذكرتها فوق (( اعمل كشف العيله ))





وهاخد اعفاء مؤقت ولا ايه بالظبط (( لم يصبه الدور ))



وبصراحه لو دخلت الجيش هتبقى مشكله كبيره

لانى بشتغل بجانب الجامعه والعمليه الحمدلله ماشيه بستر ربنا فياريت تردوا عليا وتطمنونى



ثانيا :- لو لقدر الله وماخدتش اعفاء عائلى

انا عندى فى ايديا الاتنين فى صوابعى الصغيرين فيهم تانيه يعنى مش مفرودين زى بقيه الصوابع





انا ان شاء الله هتخرج السنه دى من الجامعه فى كليه حقوق مواليد 87

ياريت تردوا عليا بسرعه بالله عليكم



وجزاكم الله خير مقدما