السلام عليكم

انا بشتغل في هيئة تابعه لوزارة

بس المشكلة اني على نظام اسمه نظام استعانه

يعني المرتب بتاعنا بيكون يومي وبناخده كل شهر..ومفيش اجازات واليوم اللى بنغيبه بيتخصم..ومفيش عقد

بس قالولنا انهم بيأمنوا علينا

اللي حصل اني وضعت من شهرين..وقالولي اني مش من حقي اجازة وضع لاني على نظام الاستعانة

بس كتبت طلب مرفق بشهادة الميلاد اني هغيب 4 شهور عشان ميكونش انقطاع عن العمل..لكن مفيش مرتب.

دلوقتي انا عندي 3 اسئلة..

1- سمعت ان التأمينات بتصرف حاجه اسمها تعويض عن الاجر في اجازة الوضع مادام متأمن عليا

هل من حقي التعويض ده وانا على نظام الاستعانة؟ ولو من حقي ازاي هيتصرف وانا اجازتي بدون اجر

ولو رفضوا في الهيئة يمضولي على الاوراق المطلوبة المفروض اعمل ايه



2- لو حبيت استقيل بعد ما اجازة الوضع تخلص علطول..هل كدا التعويض بتاع التأمينات هيروح عليا ولا لازم ارجع الشغل الاول وبعدين استقيل؟ وايه المدة اللى المفروض استمر فيها في العمل قبل الاستقالة



3- الشهور اللى انا غيبتها بعد الوضع دي..انا معرفش هما بيدفعولي حصتهم من التأمينات ولا لا..لو طلعوا مدفعوهاش هيكون ايه الوضع؟