لو سمحت عندي سؤال ارجو الرد عليه ضروري بخصوص (التهرب من الترحيل )



انا شاب تجنيد تقدمت للتجنيد وسمعت السلاح واخدت البون اللي بيكون في يوم الترحيل (ترحيل شهر 1) - وسافرت عشان اروح الهاكيستب تاني يوم ولكن وانا مسافر بالاتوبيس- الاتوبيس عمل حادثة واتنقلت للمستشفي (الجامعة ببني سويف ) وبالتالي مقدرتش اروح الهايكستب ولا مركز التدريب بتاعي في الموعد !!

حاولت اروح مستشفي عسكري رفضوا عشان مش معايا كارنية الجيش معايا بس 110 جند !

تم ابلاغ منطقة التجنيد بالحادث عن طريق واحد كان معايا مجند برضه في الحادثة !

راح اخويا لمنطقة التجنيد عشان يسال علي موقفي ! الظابط بتاع القومسيون الطبي قاله الناس اللي عملت حادثة تتعافي شهرين تلاتة وبعد كدة يجووا !



بعد شهرين ....

عملت تعديل مرحلة عشان ترحيل الدفعة الجديدة شهر 4

المسئول عن الترحيل رفض يرحلني لما شافني بعكاز ! وقالي انا مقدرش ارحلك كدة روح التجنيد اعمل ذي ما قولولك

روحت التجنيد عشان اعمل مذكرة عرض وروح الحلمية عشان اكشف طبي علي امل ان الاصابة اللي عندي بسبب الحادثة ممكن تطلعني واخد اعفا ( رباط صليبي ) - المهم روحت الحلمية والدكتور اداني لائق !



بعد الحلمية ........

روحت منطقة التجنيد عشان اختم لائق في مكتب الحاسب الالي وكمان عشان اعمل تعديل مرحلة للترحيل الجديد ترحيل شهر 7

لان من المعروف ان اللي بيروح الحلمية يوم سماع السلاح (دفعة شهر 4) بيفقد دفعة وبتالي الترحيل بتاعي هيكون في شهر 7



المشكلة ....



ان تعديل المرحلة بتاعي لم يتم الموافقة عليه (بدون سبب واضح )





وبالتالي هترحل ترحيل بغياب !!!



السؤال : 1. ما الضرر او ما عقوبة الترحيل بغياب وهل يكون فيه محاكمة ولا لا ؟؟

2. لو فيه محاكمة ازاي اقدر اتلاشي الحبس او ازاي ادافع عن نفسي ؟؟

3. الحادثة بتاعتي ليها محضر لكن انا مش معايا صورة المحضر معايا رقم المحضر بس

هل ده كافي ولا لازم يكون معايا صورة المحضر !! وازاي اطلع صورة المحضر ؟