السلام عليكم
عارف ان حضرتك قلت ان مفيش اساله تابعه للتجنيد
بس سؤالي ضروري وعايز اعرف اعمل ايه
سنه 2012 والدي عملي قيد عائلي علشان التجنيد وراح معايا للتجنيد وقالهم ابني الوحيد مع ان ليا اخ
المهم خدت اعفاء نهائي لانو كان فوق الستين
وطلعت باسبور .. ووالدي اتوفى الله يرحمو سنه 2013
وبعد عزاء والدي جالي مخبر قالي ان المحكمه العسكرية عايزاك علشان انتا ليك اخ وزورت ورقة
قلتلو انا معرفش اصلا اجرائات التجنيد ووالدي الي عمل كل شيء الله يسامحو ويرحمو
المهم سابني وقالي انتا ممنوع من السفر
سافرت بعدها بشهرين من المطار ومحدش وقفني
المهم انا دلوقت عندي 30 سنه ومعرفش هل لو نزلت المطار هيتقبض عليا ولا لا
مع اني بروح السفارة انتخب واسمي موجود في قاعدة الانتخاب
معلش والنبي حاول تفيدني لاني اصلا مش بتاع مشاكل ومش وش البهدله
اعمل ايه ؟
وهل لو نزلت مصر هيتقبض عليا في المطار ؟
شكرا ليك
