قاطع الشتيمة‬

كام مرة اتعديت على اخوك حتى ولو بهزار .. اتعديت عليه بكلمة تضايقه او نظرة احتقار ليه !

كام مرة شتمتي صاحبتك بُحكم انكو شايلين الكُلفة ومقربين من بعض !

انت عارف ان ربنا منزل لنا ( قاموس لغوي ) نتعامل بيه

يعني مثلا اتضايقت في موقف .. بدل ماتشتم شخص .. قول ياااه دي بقت حاجة صعبه جدا !

انت حاسس ان الكلمة دي مش معبرة عن حالك ولااااازم تباالغ بشتيمة صح ؟

انت عارف ان كده الشيطان بيحاول يبوّظ اخلاقك و يخفف ميزانك !

ورقيب وعتيد شغااالين كتابة ..

ايه رأيك لما تيجي تتكلم اتخيل ان رسول الله صل الله عليه وسلم قدامك لو حسيت انه هيرضى عن الكلمة اللي طالعة منك دي قولها بكل ثقة

لو حسيت انك هتضايق سمـعه صلى الله عليه وسلم ..

ارجوك متقولهاش .. اعمالك وكلامك ونظراتك بتتعرض على ربك ورسولك

قال رسول الله - صلى الله عليه وسلم ..

" إِنَّ في الجنةِ غُرَفًا يُرَى ظَاهِرُها من باطِنِها ، و باطِنُها من ظَاهِرِها . فقال أبو مالِكٍ الأَشْعَرِيُّ : لِمَنْ هيَ يا رسولَ اللهِ ؟ قال : لِمَنْ أَطَابَ الكَلامَ ، و أَطْعَمَ الطَّعَامَ ، و باتَ قائِمًا و الناسُ نِيامٌ "

على فكرة الاسلام مش صلاة وصيام بس .. الاسلام معاملة ..

الاسلام اخـلاق

حسِّن اخلاقـك تكن بجواره صل الله عليه وسلم في الجنـة بإذن الله