السلام عليكم
ياريت يا جماعة حد يساعدنى لانى قرأت كثير عن موضوع التجنيد ده ومع ذلك لم اصل لنتيجة
فجزاكم الله خيرا مقدما
انا من مواليد 1986 كنت بادرس فى كلية حقوق لحد سنة 2010 والكلية كانت بتأجلى الموقف التجنيدى لحد سن 28 سنة
فى نهاية 2010 اتفصلت من الكلية واخذت اوراقى وروحت الجامعة المفتوحة وقدمت فيها علشان تأجلى الجيش بتاعى لحد 28 سنة
فى 2009 تعرفت على زوجتى وتزوجنا خارج مصر وانجبنا
وكنت بأنزل مصر كل سنة لزيارة العائلة ولما احب اسافر انا وزوجتى كنت باروح ادارة التجنيد علشان اطلع تصريح سفر وكنت بسافر عادى جدا من غير مشاكل بحجة انى طالب
واخر مرة طلعت فيها تصريح سفر كان فى مارس 2013 وكان عمرى وقتها 27 سنة ولم تقابلنى اى مشاكل فى السفر
دلوقتى انا عمرى 27 سنة وباقى شهر واتم 28 سنة وانا خارج مصر
لو رجعت مصر هل هتقابلنى مشاكل فى المطار ؟
ماهو موقفى من للتجنيد هل انا بهذا الشكل متخلف عن التجنيد ام لا مع العلم انى لسة فى سنة اولى ؟
وماذا لو قدمت نفسى للتجنيد قبل ان اتم 28 سنة؟
وهل سيتم معاملتى كمتخلف والبس الجيش بالرغم من زوجتى وابنى الذين يحملون جنسية اخرى ؟ ولا ممكن اخذ اعفاء ؟
فى ناس كثير نصحتنى ان استمر حتى سن ال 30 وبعد كدا ارجع مصر وادفع الغرامة واخذ الشهادة وخلاص
بس لو انا مضطر انزل مصر الشهر ده يبقى ايه الحل هل لو بقيت فى مصر لحد ما اتم الثلاثين سنة مش هيقابلنى مشاكل ؟ ام ممكن يتم توقيفى فى كمين مثلا وحد يسألنى عن التجنيد ؟
الموضوع صعب جدا بالنسبة لى لان ابنى عنده 4سنوات وزوجتى لاتعمل وانا المسؤول الوحيد عنهم
وخايف جدا ان اقدم نفسى للجيش وبعدها البس سنتين ولا ثلاثة وكمان انا شغلى الجديد موجود فى مصر
يعنى مضطر انزل مصر فأيه الله يكرمكم لان كدا ممكن حياتى العملية والاجتماعية تتدمر بسبب الجيش !!! والله الواحد بيحب بلده أوى بس بيحب اسرته اكثر من اى شىء فى الدنيا
