اولا السلام عليكم ورحمة الله ثانيا عندى سؤالين لحضرتكم الاول وهو اننى كنت طالب بكليه ولكن حدث لى بعض الظروف الخاصه وانفصلت منها من فتره طويله والان اريد تجديد البطاقه الشخصيه وان لا اعمل فى جه حكوميه وليس لدى اى عمل مسجل فى اى جه فقط عملى من المنزل على الابتوب فكيف اجدد البطاقه ومن اين تختم السؤال الثانى هل يجوز لى فتح حساب عادى بالبنك من اجل الادخار وان لايوجد لدى اى وظيفه مثبوته بالبطاقه الشخصيه اتمنى الا اكون ازعجتكم ومنتظر رد سيادتكم تحياتى
X
استشارة بخصوص تجديد البطاقه الشخصيه وفتح حساب بالبنك
مُسْتَشارُكَ القّانُونيْ
-
Originally posted by شوكت غازييا اخي الكريم يمكنك عمل بطاقة عادي جدا ولكن هيتكتب في خانة الوظيفة حاصل على الثانوية العامة وذلك طبعا بعد ما هتقدم صورة من شهادة الثانوية العامة ليهم وخد معاك الاصل بردو علشان ممكن يطلعوا عليها ويدوهالك تاني وهياخدوا الصورة بس وبعد كده روح اعمل حساب بنكي بالبطاقة دي زي ما انت عاوز وكمان تقدر تعمل حساب بنكي بالبطاقة ( الرقم القومي ) حتى لو مش فيها اي وظيفة اي بدون عمل بس هما مش بيكتبوا بدون عمل انما الخانه بتكون فارغة ولكن هي رقم قومي طبيعي وبتستخدم في عمل الحساب البنكي بلا ادنى مشكلة اما بالنسبة للختم فهي مش هتتختم خالص انما هتملى الاستمارة بالبيانات وتاخد معاها صورة شهادة الثانوية العامة ولو مش معاك متخدش خالص وبتديهم الاتنين ( الاستمارة والصورة الشهادة الثانوية ) وهما اللي بيختموها وبيدوك البطاقة عادي
ملحوظة لو اديتهم شهادة الثانوية العامة هيتكتب في خانة الوظيفة ( حاصل على الثانوية العامة )
ولو مش اديتهم الشهادة مش هيتكتب في خانة الوظيفة اي شيئ وهتكون فارغة
وكلاهما لا يؤثر على صحة بطاقة الرقم القانوني في اي تعاملات قانونيه او بنكية او غيره
ان بس كان عندى سؤال هو ليه جميع المحامين الموجودون بالمنتدى لا يتفعل مع الاعضاء ويرد عليهم ولهم الاجر والسواب عند الله وتزكر هزا الحديث عن أبي هريرة رضي الله عنه عن النبي صلى الله عليه وسلم قال (( من نفس عن مؤمن كربة من كرب الدنيا نفس الله عنه كربة من كرب يوم القيامة ومن يسر على معسر يسر الله عليه في الدنيا والآخرة ومن ستر مسلما ستره الله في الدنيا والآخرة والله في عون العبد ما كان العبد في عون أخيه ومن سلك طريقا يلتمس فيه علما سهل الله له به طريقا إلى الجنة وما اجتمع قوم في بيت من بيوت الله تعالى يتلون كتاب الله ويتدارسونه بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده ومن بطأ به عمله لم يسرع به نسبه " رواه مسلم ))
Originally posted by شوكت غازينعم يا أخي الكريم لي تجربة بذلك ولكن مع اختلاف التفاصيل وهذه التفاصيل لا تؤثر نهائيا وانا متاكد من ذلك وسيبك من الكلام اللي اتقالك من المحامي اعمل اللي قولتلك عليه وروح بنفسك السجل هتتاكد ان اللي قولتلك عليه بيتنفذ بالحرف بس قم بكتابة بيانات الاستمارة وخد معاك صورة شهادة الثانوية العامة والاصل بردو احتياطي لانهم ممكن يطلعوا عليها ويدوهالك تاني علشان مش تروح ع الفاضي وملكش دعوه هما هيختمولك الاستمارة ويطلعولك البطاقة وبعدين يا اخي اسال نفسك اللي بيخلص كلية مثلا او دبلوم وعاوز يجدد البطاقة وهو مش شغال بيعمل ايه بيعمل نفس اللي هتعمله بالضبط بس بياخد صورة شهادة المؤهل بتاع الكلية او الدبلوم بدل مؤهل الثانوية العامة لان مفيش شغل هيقدر يختم الاستمارة منه وبالتالي هما بيكتفوا بصورة المؤهل وبيختموها هما اما بالنسبة للحساب البنكي فتاكد تماما ان طالما معاك رقم قومي ( بطاقة ) وسارية تقدر تتعامل طبيعي جدا جدا حتى لو خانة العمل فارغة ومش مكتوب فيها اي وظيفة وده عن تجربة شخصية مع كافة البنوك ومصلحة البريد متقلقش خالص من الناحية دي المهم تكون البطاقة سارية ده الشرط الاهم وبلاش تكون شكاك يا اخي الكريم وجرب ما اقوله لك عملي ومش هتخسر اي حاجة وربنا يوفقك
Comment
استشارة بخصوص تجديد البطاقه الشخصيه وفتح حساب بالبنك
Collapse
Trending
Collapse