اخي العزيز ارجو ان تفيدني في موضوعي هذا بصفتك محامي
ولك الثواب وسأدعو لك ان شاء الله في الحرم المكي عن اول زياره

الموضوع بإختصار

اسمي محمد
سني 27 سنة متزوج مقيم بالسعودية منذ 3 سنوات ولا استطيع النزول لمصر بسبب الجيش
والدي متوفي ولي أخ تم استئصال كليته اليمني
قمت بعمل شهاده اعفاء مؤقت كبير عائلة تنتهي بوصلي سن 30 سنة او وصول اخي سن 21 سنة
طبعا اخي الان سنه تعدي 21 سنة وبلغ سن 21 سنة في سنة 2010 اذن الشهاده الي معايا دلوقتي تعتبر منتهيه الصلاحية

اخويا قدم في التجنيد واخد اعفاء نهائي ومكتوب في شهادته انه غير لائق طبيا

سألت انا ودورت كتير قالولي خليك في السعودية متنزلش مصر نهائي لحد ما توصل سن 30 سنة وسمعت مؤخرا انهم مددو سن التجنيد ل 35 سنة زي ميكون مستقصدني

انا دلوقتي بقالي 3 سنين في السعودية وسني 27 سنة يعني لازم استني 3 سنين كمان عشان اوصل 30 نفسي انزل مصر وخايف مش ارجع تاني

برضه دورت ع النت لاقيت اني ممكن اعمل ان اخويا غير قادر علي الكسب
طيب هل ينفع اعمل توكيل لاخويا من هنا وهوا يراجع التجنيد ويروح يعمل فحص طبي
وهل هيدوله فحص طبي فعلا يفيد انه غير قادر علي الكسب علما انه تم استئصال كليته اليمني

وياتري فين مكان الفحص الطبي دا وازاي اخلي اخويا يروحله ؟؟
ارجو الاجابة ولكم الثواب ان شاء الله