إعترافات رجل مدير مصري ذو خبرة طويلة يقول :
كل نساء العالم يتهمن أزواجهن
بأنهم بيحبوا الشغل أكثر منهم
وأنا اصالة عن نفسى ونيابة عن الرجال أعترف
بأن هذا صحيح جدا .. صحيح ليه ..؟؟!!!
يقول : لى أسبابى ومبرراتى
التي أرجو منكم التفكير فيها بعين العقل - وهي :
أولا - الشغل بيصرف عليّ
لكن أنا اللى بأصرف عليها
ثانيا - في الشغل ممكن تزعق براحتك
وزعيقك يجيب نتيجة
لكن مع مراتك صعب إنك تزعق براحتك
ومهما زعقت مش ها يجيب نتيجة
ثالثا - ممكن تزوغ من الشغل فى أى وقت
من غير ما حد ياخد باله
أو حد من الزملاء ها يغطيك
إنما تزوغ من مراتك هيهات
هههههه إنسى
رابعا - فى الشغل عندك مدير ممكن ترضيه
لو إشتغلت كويس
إنما مراتك لو عملت لها قرد.. نسناس.. أراجوز
حتي لو عجين الفلاحة .. مش ممكن ترضيها !!!
خامسا - فى الشغل من حقك تاخد أجازة
عندك عارضة ، وإعتيادى
ده غير يوم الجمعة والعطلات الرسمية
بصراحة الشغل خفيف على القلب
إنما مع مراتك مش ممكن تاخد أجازة
بالعكس ده إنت لازم رتلزق فيها يوم أجازتك
وإلا يبقى نهار أهلك مالوش ملامح .!!
سادسا - فى الشغل ممكن تترقى
وتاخد منصب بيه وباشا كمان
ويبقى لك مكتب لوحدك
ومراسل .. وسكرتيرة خاصة
والكل يضرب لك تعظيم سلام
إنما فى البيت حاتعيش زوج وتموت زوج
واللقب الوحيد اللي ممكن تاخده
لما تنادى عليك مراتك وتقولك يا بابا أو يا حاج
ولما تعجز وتركن جنب الحيطة تقولك يا بركة
سابعا - الشغل لو زهقت منه ممكن تسيبه
بدون مشاكل وبسهولة
إنما مع مراتك لو روحك طلعت
لازم تحط في بقك كوتشى وتفكر مليون مرة
في المحاكم .. والمؤخر .. والنفقة .. والعيال
والباقي معروف
ثامنا - فى الشغل لو تركته أو بلغت سن المعاش
بتاخد مكافأة كبيرة .. ومعاش .. وحفلة تكريم
أما مراتك لو سبتها قبل ما تموت
أنت اللي هتدفع مكافأة ومؤخر .. ونفقة
وشقة كمان .. وتتحبس لو ما دفعتش
تاسعا - ممكن تغير شغل
وتتنقل لغيره لو لقيت شغل أحسن منه
فى حين أنك طول الوقت
بتشوف بنات أحلى ميت مره من مراتك
بس ما تقدرش تغيرها..!!
عاشرا - فى الشغل متأمن عليك
عشان لو حصل لك حاجة
لكن حتي برضه لو حصل لك حاجة
مراتك هى اللى حا تقبض التأمين
في النهاية ... بتحب مين أكتر : مراتك ولا شغلك ؟؟!!!
أكيد مراتك ... طبعا..
