X

قاموس مفردات لأهل الشام

المنتدى العام

 
  • Filter
  • Time
  • Show
Clear All
new posts
  • مرجان الأطرش
    Thread Author
    مشرف المنتديات العامة
    • Sep 2018 
    • 513 
    • 190 
    • 228 


    - قاموس مفردات الشام

    الخناءة والمضاربة :

    نكشه ، نكزه ، نعره ، لبطه ، رفسه ، دفشه ، سلخه ،
    معكه (أتلة) ، زتو ، رماه ، فعسه ، فعوسه ،
    ندفه كف (كسرله خاطره فيه) ، سمطه كف (متل طباق الجمر) ، سفأه كف (متل فراق الوالدين) ،
    لعبجو ، طربشو ، فركشه ، طحمشه ، خربطله الواجهة ،
    ألبو (زء) ، خنقو ، كسّرو تكسير ، نهنه نهنهة ، استناوله كف (نسّاه حليب أمه)

    من .... إلى :
    - من سآءلو لنآلو لأبٌاض الأرواح-
    من تحت الدلف لتحت المزراب
    - من دهنو سئيلو
    - ومن هون لهون (بالمساومة والمفاصلة)
    - من بيت ارأع لبيت اشأع لبيت كتّر الله أفراحكم

    أقسام الجسم للدلالة على المكان :
    بتم الحارة ،
    براس الطلعة ،
    على كتف الفيجة ،
    بآخر الكوع على يمينك ،
    بألب (قلب) الصالة ،
    بضهر الكتبيّة ،
    بسفل النزلة ،
    من كعب الدست ،
    بصدر الحارة .

    متفرقات :
    - حط المخدة مشئيّة أختها (حطها بلزءها)
    - عملها على شاكلتا لهديك الرخر
    - على تيهتا لهديك-
    كني كنك (متلي متلك)
    - سبري بسبرك
    - سعري بسعرك
    - شو هالطرنة

    كلمات الإتباع تأتي دوماً سوية :
    سئط لئط ،
    صاغ سلـيم ،
    مقطٌع موٌصــل ،
    لعنة مكبرتة ،
    لعنة وئف (وقف) لا بتنباع ولا بتنشرى ،
    صباً طريحاً ،
    طم غـم ،
    خص نص ،
    خبط لزء ،
    شـيلة بيـلة (للبيع آخر المسا) ،
    أشٌة لفٌة ،
    ألم آيم ،
    خنطأ منطأ ،
    يعيد وفتئ ،
    على خدني جيتك ،
    أُنبع وزنبع وأعور الدجال ..

    كلمات لوصف حالة جسدية أو نقسية وانفعالات ما :

    مولدن (يعمل عمل الأولاد) ،
    مصبيَن (يعمل عمل الصبية) ،
    معلأن ،
    مبشتن ،
    مكبسن ،
    مطأمش ،
    مهرتك ،
    مبهدل ،
    مهركل ،
    مدحكل ،
    مدعبل ،
    مكبتل ،
    بطبف ،
    مشرشح ،
    مستكلب ،
    مأروء ،
    مسطول ،
    أرءا ملفوفة بورقة ،
    ممغوص ،
    منحوس ،
    مجدوب ،
    مصروع ،
    منهنه (من التعب) ،
    جوعان ،
    عطشان ،
    طاشش ألبو ،
    سكران ،
    طرمان ،
    أرفان (من القرف .. كأنه يشم ما يكرهه) ،
    نعسان ،
    غميان ،
    غويان ،
    متدمشق ،
    متدرج عالعافية

    صفات ذميمة :

    كوليكا ، مكولَك ،
    كتير الغلبة ،
    مدحوَش ،
    غشيم ،
    حوبة ،
    صرعة ،
    مخيول ،
    خيلة ،
    عوايني ، فسٌاد ،
    نأآء (نقاق) ،
    عم يجدبها ،
    دفعة ،
    سلبة ، سلبة بجعزة
    نمس ،
    سعٌان (صقعان : من صقيع) ،
    نايط ، بُضَلا (للبارد بالقيام بالعمل) ،
    نفسو دنية ،
    نسونجي ، أدب سـيـس (من التركية)

    للصحة والمرض :

    عينه ناءرة ،
    ما عنده كيف ،
    مؤولج ،
    موتّب ،
    طالعله نبيرة ،
    مفجوج ،
    ممغوص ، ،
    طالعله أبو كعب ،
    طالعله جنجل ،
    رمدانة عينه ،
    طالعله دمّلة ،
    كاتمة معدته ،
    فارطة معدته ،
    مدوحس باهمه ،
    مزرقين شفايفه ،
    محمرين خدوده ،
    مصفرن ، معو هداك المرض اللهم عافينا بعيد من هون ،
    بارك ،
    مييلينو ، قثطرة للبول ،
    راسي راح يفلع ،
    شايشة نفسو ،
    عم تخبط نفسو ،
    خابطة نفسو ، ع
    م تلعي نفسو ،
    ألع درس العقل ،
    مركّب جسر (بدلة) ،
    معو الشهّاءة (السعلة الشهّاءة) ،
    بدو كاسات هوا ،
    طالعله أبو خريون .

    للحامل :

    مستتئلة ،
    هابط بطنا ،
    عليان الولد ،
    وحامها صعب ،
    حبلا بخواصرها

    المال والغنى والفقر :

    موحيلتو حيلة ،
    مفلس ،
    عايف التكنة ،
    عالحديدة ،
    عالحصيرة ،
    مامعو ولا بارة ،
    عايف حالو ، دايخ ،
    يادوب يجيب الراسين سوا ،
    اركود اركود والعشا خبيزة ،
    يللي معو شو بيمنعوا ،
    لباس ما عنده ودكته بأربطعش ،
    يا سراج وشمعة يا عالعتمة جمعة ،
    خبي قرشك الأبيض ليومك الأسود ،
    القرش يللي مو ببلدك لا إلك ولا لولدك ،
    مو يللي بتكسبو السمرة بتحطو حأ بودرة وحمرة ،
    يللي بيصرف وما بيحسب بيفلّس وما بيدرى ،
    ناس بتنزللون بالئفة (القفة) وناس بيبيعوا اللفة
    وناس بتكشفون الدفة ،
    معو مال لا بتاكلو النيران
    ولا بتأرمطو الفيران ،
    مفنكر ،
    صرّيف ، ا
    لوراتة حراتة .

    لذم الطعام ومدحه:

    محمّض (للـ اللبن)-
    مرزز : (للـ رز بحليب إذا كتر-
    خامم ، خامّة-
    مخوبي (للجوز) ،
    مؤوطع-
    ماصل ،
    شايط : (اللبن)-
    معصمص : (للزيتون)-
    معفّن ، ريحتو زنخة ، مزنّخ : (للسمك)
    زايطة : (للقهوة)- خسالة ،
    تنوة : (للشاي)
    مدوّد ، مبسمر : (للبطيخ)
    معسئل : (للخيار والكوسا)
    محلونة : (للجبنة)
    دبلانة : (الملوخية والبامية)
    بايتة ، مفشفشة : (للكبة)
    مفزّر ، مفتّح : (للمحاشي إذا كتر رزها)
    مرزرز : (للمحاشي عندما يكون الرز غير ناضج وفيه قساوة)
    مجئ ، مجأة : (للمياه)
    فارط : (للحليب)
    جفران ، معجّن : (للخبز)
    محدحد : (للزيت)
    ملهلط ، مهلهط : (للمخلل)
    مأنتن ، منتن : (للزيتون المنسي)
    بصلات متل جناح الدبّور
    شي ناهي هالعصافيري
    راح تاكل أصابيعك ورا هالمدلوقة
    معئدة هالبامية
    مدهنة هالصفيحة
    مسأسأة ، منغنغة : (كتيرة المرقة أو السمنة أو القطر)

    أحوال وأحوال

    مخنكر (طالع من الحمام شتاء ومتدثّر باللحاف) ،
    مكمكر (مجاور للصوبيا شتاء) ،
    مفنكر (معه مصاري وعم يصرف) ،
    مطهمز وماشي ،
    مأنَّف (شايف حاله) ،
    مرندج (مروّق) ،
    مأفْيِن على ابن خالته العسكري ،
    مطنّش (بايعها) ،
    متغاوي بشعراتو الشقر ،
    متآوي بإبن خالته حمدي ،
    فحمان قلبه على خطيبته لأنها تركتو ،
    غميان قلبه على أكلة مشاوي ،
    مفنطز ، مبطبط ، سهيان ، مشأرئ ، مخرين .

    من حسن الاستقبال وحسن التقدم

    دقة منئرزة .. هي دقة نظمية خانم - دقة السقاطة للباب الخارجي
    مشية منئرزة : تمشي بقبقابها على ايقاع ما
    مخنٌمة ومستٌتة : كالخانم والسيدة
    مرتّب ، راتب ، أكابرلي ، أكابرلك
    نخوتلي : فيه نخوة بتصرفاته
    شهمتلي : فيه شهامة
    مرَأتلي : عنده سوسة باتقان الامر
    جوابتلي : يرد الجواب ولا يرتدع وما بينام على وحدة
    سوستو الأنايرة : مولع بتربية طير الكنار
    أنتيكاتي : مولع بجمع الأشياء القديمة
    سميٌع إلو ادن سميٌعة صاحب ذوق للسماع والطرب
    عتأي : مولع بجمع الأشياء والنهفات القديمة
    بيتصلى على ديالو : غير متهم بشئ- ما انكشف ديلو على حرام : عفيف , طاهر
    نقطة بمصحف : بنت البيت الطاهر-
    والنعم : جواب سؤال عن فلان كيف هو ؟
    لو عندي بنت لعطيتو- لو عندي قطة ما بعطي ياها

    تهكمات مرة وعبارات زجر وتهديد /

    ريتك تاكل هم بطني
    كميش إيدك لتؤوم تضيع ،
    لا تحلف محلوف عنك ،
    أوعا حدا يدعس عليك ،
    ولك ،
    وخشت ،
    وسيف ينجر رئبتو ،
    وسيف يطير العالي من بين كتافو ،
    وخنان ،
    ازبلو ،
    العنو ،
    مو آيموا من أرضو ،
    ما بيغبّر على كندرتي ،
    اجا فرحة ،
    ما شاف شي ،
    عيش ياكديش ،
    هالشوارب على مرا اذا ما بنفّد كلمتي ،
    عيب امشي بين الرجال اذا بيضل حدو عايش ،
    حوينة الفشكة فيه ،
    شوف ولا بفش نيعك ،
    بمصع رئبتك ،
    بكسر ايدك وبحملك ياها ، ر
    وح لعاب (إلعب) إدام (أمام) بيتكم .

    صفات جسمانية :

    طويل : متل الحورة ،
    متل عرق الفول ،
    يسلملي هالطول متل عرق الفول
    قصير : نص دكة .

    البحث عن ..... :

    عم يدور على بيت بالكرى( الاجار )
    عم تلوْب على بنت الحلال لابنها البكري
    عم يبحبش بين وراءو (أوراقه)
    داخ راسو على مايلائي دفتر العيلة
    ما خلاّ مطرح وما نكشو
    ما خلاّ أرنة ما نكَتها
    ألب الأوضة فوءاني تحتاني
    وما لئى الدزدان والسائط
    عم بيكوكش بالخرستانة على غلوة شاي
    نبْش بكل جيوب الطئم وما لئى (لقى ، وجد) الوصل


    اقتباس
    إعداد المهندس بشار الفحّام ابن حي الشاغور
Working...
X