السلام عليكم

أخي الكريم وائل رمضان أنا مشترك منذ شهر 7 الماضي 2009
بجاردينيا الغردقة

اشكر متابعتك

السلام عليكم :

أنا بتكلم بخصوص موضوع قؤية جاردينيا الغردقة .. أنا عرفت من الموقع إن فيه ناس تانية إتعرضت لنفس التضليل إل أتعرضتله من الشركة المالكة للقرية ..
والخاص بعدم ذكرهم للعملاء إن موقع القرية تانى نمرة على البحر وإن مالهاش شاطئى خاص بيها .. ولكن خاص باالقرية المالكة للنمرة الأولى على البحر معاها
وده يدل على عدم مصدقية الشركة مع العملاء من أول لحظة
بعد كده هيعملوا فينا إيه !!
أنا بدأت أتخذ إجرائاتى القانونية ضد الشركة .. علشان أحمى نفسى منها
وبطلب من كل إل تعرضوا لنفس الموضوع .. إنهم يتحركوا .. لإن كل ما يكتر المشتكين من عملية التضليل دى ... لازم وزارة السياحة تاخد خطوة ضدهم
وده موبايلى 0119898812 لكل المتضررين لتجميع جهودنا ضد الشركة

الأخ وائل مشكور على المجهود اللي تبذله انا اشتريت اسبوعين (عالي ومتوسط) في غاردينيا الغردقه ولم افعل عضوية التبادل الدولي حتى الآن ولااعرف طريقة الحجز سواء في غاردينيا او في التبادل الدوليمع اماكن اخرى وهل العضوية الدولية متخصصة مع طيران معين حسب الإتفاق بالحصول على خصم خاص للطيران حسين [email protected]

أنا شخصيا مقيم بالغردقة وأعمل بمجلس مدينة الغردقة ... لذا اريد أن أخطركم جميعاً أن أى كلام عن وجود قرية تسمى جاردنيا الغردقة ولو حتى تحت الانشاء هو كلام عار تماما من الصحة... والعملية نصب فى نصب.... وياريت كل اللى اتنصب عليه يتقدم ببلاغ للنائب العام لتطهير مصر من هؤلاء النصابون الجدد ...

عايز نصيحة
كيفية فسخ مثل هذا العقد
وماهي خطورة الايصالات التي تم التوقيع عليها

النصابين والغلابة
م€€
بخصوص التايم شير انا تعاقدت مع شركة ديسكفري للتسويق العقاري في شارع كورنيش النيل بالعجوزة لشراء اسبوع في قرية جاردينيا الغردقة واكتشفت انها اكبر شركات النصب فعلا والله وجايبين شوية مناديب نصابين مشغلنهم عشان ينصبوا علي الناس بس- ناس بتاكل حرام اه والله بياكلوا حرام قالولي ان القرية علي البحر مباشرة والحقيقة ان القرية جاردينيا الغردقة تبعد عن البحر 800 متر وهذه المساحة ليست ملك للقرية وانما هي ملك لقرية اخري ستكون علي البحر وجاردينيا تاني نمرة علي البحر يعني بقي الشاطئ عام وليس خاص بقرية جاردينيا - ثانيا قالولي ليك مع الاسبوع بتاعك 6 اسابيع احتياطي الاسبوع ب 270 جنيه مصري وهذا الكلام غير صحيح بالمرة- ثالثا-سيتم افتتاح القرية في 6\2011عكس ما قالوا 6\2010وتشوفهم تقول ناس محترمة وهما ناس كذابين ونصابين واسمائهم كالاتي الاستاذ رباح - واحمد افندي علي نصاب برضوكبير واشرف و محمد ومصطفي سالم وعصام صلاح وناس كتير وحسبي الله ونعم الوكيل فيهم وذهبت لشرطة السياحة في 5 شارع عدلي وعملت الغاء وتم خصم مبلغ 300 جنيه رسوم انا ايه اللي استفدته لا شيئ وان شاء الله ساقتص منهم يوم القيامة ولسه مستني فلوسي ترجعلي

ذهبنا الى جاردينيا شارم وفقا للتعاقد الذى يتيح ثلاثة ايام هاف بورد لفردين مقابل صيانة 300 جنيه بعقد الغردقة، القرية جميلة وكل شيء منظم، ومواعيد الباص من والى البيتش منظمة خلال اليوم وبطريقة جدية، وكذلك مساء الى خليج نعمة، وفعلا استمتعت انا واولادى وزوجتى بالاقامة والتنقل، الشاطىء جميل جدا وموجود بالقرب من السوق القديم، ويوجد به حمام سباحة ايضا بخلاف الموجودين بالقرية، كما يوجد حمام سباحة كبير اظن انه على وشك الافتتاح، تقريبا حمامات السباحة موزعة على القرية ولاتقل عن اربعة او خمسة، وطوال اليوم بالمنتجع توجد حفلات على حمام السباحة، وكذلك مساء بالمسرح، الاكل كويس ولايوجد به عك هو محدد فى نوعياته لكن ممكن ان يلائم كل الاذواق حيث يحتوى العشاء على صنف خضار رئيسى، بالاضافة الى خضار شوتيه، ولحوم واسماك ودواجن، وشوربة، وسلاطات ومخللات، واصناف من المكرونة، ونوعين ارز، هذا بخلاف الحلويات والفاكهة، الفطار ايضا منوع ويلائم كل الاذواق وما فيه اى مشاكل، الادارة متعاونة جدا، الشيىء الوحيد اللى نفسى فيه هو اقامة حفلات مسائية بالشاطىء لانه كبير جدا وغير مستغل، القرية ليست بالصغيرة ولا بالضخمة،لكنها واسعة جدا ومليئة بالمساحات الخضراء، ولعب الاطفال منتشرة بكل رقعة، وبالرغم من كل مخاوفنا من التايم شير لكننا وجدناه ممتع،لكن يحتاج الى تسويق اعلانى سياحى بالصحف والمجلات، ودى مش فكرة جديدة، لان فنادق بيراميزا بتنشر حملة بالصحف، واحب اضيف ان كل الاسر اللى قابلناهم هناك كلهم مبسوطين، وقبل ما اختم حديثى معكم الشاليه اللى اقمنا فيه كان ايضا مريح واما حمام السباحة مباشرة، ياريت تجربوا بصراحة لن تندموا، والله الموفق.

الى الاستاذ محمد صاحب الاعلان . انا صاحبة هذا الاعلان الذى تقوم بالاعلان عنه فكيف تسمح لنفسك بان تعرضه دون الرجوع لى . يا اخوانى هذه الشركة نصابة وانا عندما تاكدت من ذلك قمت بوقف البيع وانا الان اتخذ الاجراءات اللازمة ضد الشركة الحرامية واكيد انت احد النصابين الذين يعملون بهذه الشركة وارجو من ادارة المنتدى ازالة الاعلان لانه لى وانا لا ابيع ورقم العقد 1996

اللى اتنصب عليه يجيب رقم حماية المستهلك من الدليل ويكلمهم ويبعت فاكس على العنوانين الموجودين باخر العقد وزارة السياحة وغرفة الخدمات الفندقية وان شاء الله ياخد حقه