ممكن حضرتك تقولنا اخوك شغال اية او جاب المعلومات دى منين ؟
لان فى مشترك فى المنتدى راح الجيش وعامل هروب واتعملو محكمة بعد ما عدى ال 30 ودفع ما لا يزيد عن 500 جنيه وكان بيكتب اللى بيحصلو يوم بيوم

اقتباس:

هى دى المشكلة اننا بنتفق فى نقاط وبنختلف فى غيرها ومش قدرين تطلع بشروط وقواعد ثابتة كان الموضوع ملوش علاقة بقانون, انا مش بهاجم ولا بنتقد حضرتك لاسمح الله , انا بس مش فاهم حاجة لان الكلام كله اللى موجود متناقد فى الاشياء المهمه ومتفق فى الاشياء الغير مهمه ,المفروض سن الامتناع حسب القانون وحسب ما قال الاستاذ جمال انه 30 يعنى على كلام حضرتك مش هتفرق بقى دفعت كام حتى لو 2009 وعده سن ال 30 مينفعش يدخل جيش

اقتباس:

يا اخ زيوس اذهب مره اخري للتجنيد لكن للمكتب المختص فعلا بالمتخلفين وده كتير ساعات بيكون بجوار منطقه التجنيد ليس داخلها لان اغلب اللي بمنطقه التجنيد بيقولو كلام عشوائي وميعرفوش اشياء كتيره وزي ما فيه اخين هنا راحو فعلا السجلات العسكريه وقالو ان الهارب هو اللي فعلا دخل التجنيد دخل يعني اصبح جندي ولبس الميري ده اسمه الهارب اما غير ذلك فهو متخلف
انا اظن ان موضوعك فيه لبس والدليل انه قالك انا ممكن اخدك دلوقتي ومخدكش
او الحل التاني والاسلام روح مكتب السجلات العسكريه الهروب واسال وهما هناك متخصصين اكتر وهيفهموك وضعك ايه بالظبط
وبازن الله تخلص قضيتك الايام دي بس لازم تقولنا عملت ايه وتفيد اخوانك

انا بحاول افهم دلوقتى عشان متدخلش نفسى فى متاهات ومنتظر رد الاستاذ جمال فى موضوع شبيه بموضوع قال انه محتاج لحد يوم الاربعاء عشان يدينا الاجابة النهائية فى موضوع هارب ولا متخلف واكيد طبعا لو ربنا سهل واخلصت الموضوع على خير او حتى شر لا يقدر الله هسيب كل التفصيل هنا عشان محدش يدوخ الدوخة اللى انا فيها دى

يا جماعة الموضوع أبسط من كدة.. دعونا نصنفه الى3حالات:
1-الهارب بالمعنى المكتمل (الذي دخل مركز تدريب ولو يوم ثم هرب)
العقاب : بعد اتمامه 30 سنة + أن يكون هرب أو تغيب قبل 25\5\2004 يدفع غرامة أقل من 410جنيه...
أما من هرب بعد هذا التاريخ فعليه الأنتظار حتى يكمل 36 سنة ليتفادى السجن ويدفع غرامة فقط.
2-المتخلف بالمعنى المكتمل (الذي لم يقدم أي أوراق للجيش أبدا)
العقاب : بعد اتمامه 30 سنة يدفع غرامة فقط من 2000 الى 5000
3-شبه الهارب (الذي قدم بأي شكل كسماع السلاح أو الكشف الطبي الخ...)
العقاب : ...........................
في الحالتين 1و2 لاجدال فيهم الجدال في الحالة 3 هل سيعاملو معاملة الحالة 1أو2 ؟
ومع أنهم قالو لي في السجلات أنهم متخلفين الا أني أظنها مجرد كلمة لأنهم أصلا لا يعلمون شئ الا عن الهاربين(الحالة1)وهي اختصاصهم..
.وأعتقد مجتهدا فقط أنهم أقرب للحالة 1 والفرق أن(1)هربو من وحداتهم و(3)هربو من البداية بعد علمهم بقبولهم واصبحو على ذمة الجيش..
وما قالوه للاخ zius يزكي ذلك لأنه قدم 2006
لما كل هذه الحيرة يا جماعة ياللي عايشين في القاهرة حد يروح منطقة التجنيد فقط ويسأل وستنتهي التكهنات وياريت بأستفاضة السؤال تحديدا هو ::
هل يوجد تاريخ محدد(الفاصل بين السجن والغرامة) للذي سمع سلاح أو كشف طبي ما قبله يستطيع دفع غرامة ؟؟؟؟ حتى يتفادى السجن أو الانتظار الى36 ..!
أما حكاية سن الأمتناع وهو 30 سنة أو31 للأزهريين فهذا معناه أنه لن يعود للجيش وهذا لا يعفيه من العقاب..بمعنى لو كان أقل من 30 وسلم نفسه أوقبض عليه فيحكم عليه القاضي بحد أقصى11شهر سجن وعودة( لأستكمال مدة تجنيده وطبعا دون حساب مدة السجن)...
أما لو تخطى 30 فيحكم عليه من سنة الى 3 مع الرفت وغرامة أو بأحدى العقوبتين...
هذا ماكان يحدث عندما كنت في سجن الوحدة.
وأتمنى أن أكون ساعدت مع العلم أنني لا يمكن أن أكتب شئ مالم أكن متأكد منه..وفي انتظار حد يسأل..
وربنا يوفق الجميع

حالتك ستنتهى يا غالى
فى منطقة التجنيد والمحاكمة العسكرية
لأنك بالفعل أقرب الى المتخلف عن الخدمة
ولست بهارب منها ..............

لذا :
عليك الذهاب لمنطقة التجنيد لتتأكد بنفسك
من هذا الأمر ...
ولا تنقلق لن تتعرض لذى هناك ..........
واسأل بصيغة أخوى أو ابن عمى أضمن....

اقتباس: